കൊള്ളക്കാർ
പൂർവ്വികരുടെ പവിത്രമാംവിയർപ്പു വിഴുങ്ങിയ
മണ്ണിൽ വിളഞ്ഞ
സമ്പൽസമൃദ്ധിയും
സമാധാനവും .
വിളകൾക്കിടയിൽ
മുളപൊട്ടിയ
കുറച്ചു കളകൾ
കപട മൂടുപടത്താൽ
തടിച്ചു കൊഴുത്തു
ഫലത്തെ കൊത്തി
പതിയെ കൈക്കലാക്കി.
അനന്തരം നിഷേധിച്ചവർ
അവകാശത്തിനായി
ചെറുത്തുനിൽപ്പിൻ
പോരാട്ട വീഥികളിൽ
വെളിയിലിറങ്ങുമ്പോൾ
എന്തിനു നീ
വിളിക്കുന്നവരെ
'ഭീകരവാദികൾ ' !.
അതെ, ഭീരുക്കളല്ലവർ
ഭീതിയില്ലവർക്ക്
വെപ്രാളവുമില്ല.
പിറന്ന മണ്ണിൽ നിന്നും
ആട്ടിയോടിക്കുന്നവനു മുമ്പിൽ
മുട്ടുകുത്തി കീഴടങ്ങാനോ ?
എന്ത് ? എന്തിന്?
കേറിക്കിടക്കാനിടം നൽകിയ
ഔദാര്യത്തിനു നന്ദിയില്ലാത്ത
നിന്ദയുള്ള നിന്ദ്യരാണവർ.
ആ ചരിത്രമൊന്നും
ചിതലരിച്ചിട്ടില്ല,
ചരമമടയുകയുമില്ല.
എന്തിനാൽ നിങ്ങളത്
മറച്ചു വെക്കും.
ഒന്നിനാലും സാധ്യമല്ല
എന്നറിഞ്ഞിട്ടും.
0 Comments
Readers should not post obscene, defamatory, caste, religious, or communal comments. Writing such comments is punishable under the IT policy of the central government.
Admin panel KAALIKKUPPI