 |
| ഇന്ത്യ | മണിപ്പൂർ | India | Manipur | Malayalam Poem |
1- മണിപ്പൂർ
കാമാർത്ഥിയോടെ നോക്കുന്ന ആ കൺകളെ നീ
ചൂഴ്ന്നെടുത്തു വെട്ടിമാറ്റുക.
വൈര്യവർഷനം നടത്തുന്ന ആ ഹൃദയാന്തരങ്ങളിൽ
അബാബീൽ ചുണ്ടുകളാൽ തീമഴ
വർഷിക്കട്ടെ.
നാഡി മുറിച്ചു, വേച്ചു നീങ്ങുന്ന 'ഇന്ത്യ'..!
രക്തം പുരട്ടി ചാരം മെഴുകിയ വഴികളിലൂടെ വഴുതി നീങ്ങി,
ആക്രോശങ്ങൾ.. നിസ്സഹായനാരീമൂളലുകൾ..
എല്ലാവരും കറുപ്പേന്തിയിട്ടുണ്ട്:
ചിലർ ബാഹ്യാഗ്നിയാലും, ചിലർ ആന്തരാഗ്നിയാലും.
തുണിയുരിഞ്ഞ് തച്ചു തകർക്കപ്പെട്ട
ഒരുപാട് വീടുകൾ,
സ്ത്രീകൾ,
കെട്ടിടങ്ങൾ,
തലയറുത്ത് കുത്തിവെച്ച്
നാറുന്ന ശരീരങ്ങൾ..
പാപം പേറി പേറി കുനിഞ്ഞ്,
അതിന്റെ ചുമലുകൾ
ശ്മശാനം തൊടുന്നുണ്ട്.
2- ഇന്ത്യ
രാജാവ് ചെങ്കോലു പിടിച്ചു നിൽക്കുന്നു.
യാത്രകൾ, തീറ്റകൾ, ബഹുമതിയേറ്റെടുക്കൽ,
നീളുന്ന ജോലികൾ ലിസ്റ്റ് വിട്ടുകടന്നിട്ടുണ്ട്.
ഇപ്പോഴാണത്രെ അവരറിഞ്ഞത് ചെങ്കോലിലെ സ്ഫുരണങ്ങൾ!
അവർ വന്നു നിന്നതും
പെട്ടെന്നത് ചോരയേറ്റു
ചെമ്പിച്ചതായി മാറി.
'ചെങ്കോലിൻ ശക്തി' ശരിക്കറിഞ്ഞ്
അവർ യാത്രയായി ;
അനന്തമായ പാതാളത്തിലേക്ക്,
ചിലർ ഉയരങ്ങളുടെ പല്ലക്കിലേക്ക്
Written by Abdulla farhan MP
Editor: Afsal Klari
0 Comments
Readers should not post obscene, defamatory, caste, religious, or communal comments. Writing such comments is punishable under the IT policy of the central government.
Admin panel KAALIKKUPPI